Ақтау қаласы еліміздің негізгі теңіз қақпасы және теңіз жағасындағы туристік база болып табылады. Туризм әлемнің көптеген мемлекеттерінің экономикасында маңызды рөл атқарады. Еліміздің тұрақты туризмді дамыту үшін перспективалы елдердің қатарына кіретінін ел азаматтары жиі айтып жүр.  Университет аймақтағы туризмді дамыту ісінен шет қалмаған. Осы мақсатта Ғылыми Кеңес шешімімен «Бизнес және құқық» факультетінің туризм, халықаралық қатынастары бағыттары мен «Педагогика» факультетінің тіл мамандықтары біріктіріліп, 2020-2021 жылдан бастап Туризм және тілдер факультеті құрылды. Факультеттің алғашқы деканы қызметіне әлеуметтану бойынша PhD Тургалеева Акмарал Тургайбековна тағайындалды. Бүгінде Туризм және тілдер факультетінің деканы – филология ғылымдарының кандидаты, қауымдастырылған профессор, «Болашақ» халықаралық бағдарламасының түлегі Айтбаева Нұрсауле Қонарбайқызы.

2021 жылдан бастап АҚШ елшілігі арқылы америкалық мамандардың қатысуымен профессор-оқытушылар құрамының біліктілігін тұрақты арттыру мақсатында Master’s degree in TESOL магистрлік бағдарламасын іске қосылды. Оқу процесіне CLIL оқыту элементтері – Сontent and Language Integrated Learning енгізілді.

Маңғыстаудың жыршылық, әншілік, күйшілік өнерін зерттеушілер және өнер иелерінің,  жергілікті тұрғындардың сұранысы негізінде Ақтау қаласындағы Есенов университеті «Қазақ филологиясы» кафедрасы жанынан 2022-2023 оқу жылынан бастап «Дәстүрлі музыка өнері» білім беру бағдарламасы ашылды.

Қазіргі кезде факультетімізде бакалавр деңгейінде:

1. 6B01701-Қазақ тілі мен әдебиеті;
2. 6B02303-Қазақ филологиясы;
3. 6B02101-Дәстүрлі музыка өнері;
4. 6B01703-Орыс тілі мен әдебиеті;
5. 6B01705-Шетел тілі: екі шетел тілі;
6. 6В11101-Туризм;
7. 6В11103-Мейрамхана ісі және қонақ үй бизнесі;
8. 6В03104-Халықаралық қатынастар;
9. 6B03105-Каспий маңы елдерінің халықаралық қатынастары;

Магистратура деңгейінде:

1. 7М01701-Қазақ тілі мен әдебиеті;
2. 7M01703-Орыс тілі мен әдебиеті;
3. 7М01704-Шетел тілін оқыту әдістемесі (TESOL).

Факультетте Ә.Кекілбаев, Ф.Оңғарсынова, Ғ.Айдаров, С. Керелбаев О.Тұрмағанбетұлы атындағы ел үшін ересен еңбегі сіңген тұлғаларға арналған атаулы аудиториялар, Түрік тілі аудиториясы, Holidаy Inn қонақүй номері, Әзірбайжан орталығы, Молан атындағы иран-парсы кабинеті мен PICASP зертханалары жасақталған.